Deputetja e PS-së, Vasilika Hysi në një reagim të fundit në Facebook, i ka kthyer përgjigje kreut të grupit parlamentar të LSI-së, Petrit Vasilit lidhur me zgjedhjen e kryeprokurorit të ri.

Vasili tha më herët se rregullat e përcaktuara ndryshojnë sa herë flet Manja apo deputetja Hysi.

Vasilika Hysi shkruan se rregullat e përzgjedhjes së kryeprokurorit të ri nuk kanë ndryshuar.

“Rregullat e lojës nuk kanë ndryshuar në mes të procesit, por aty kanë qenë dhe janë ende. 

Lexoj njoftimet e portaleve për dërgimin e propozimin e kandidaturës për caktimin e një prej prokurorëve për të ushtruar përkohësisht funksionet e Prokurorit të Përgjithshëm.

Miq dhe mikesha të medias: rregulli për të paktën 28 firma për të mbështetur një kandidaturë parashikohet në nenin 111 të Rregullores së Kuvendit dhe është parashikuar edhe në vendimin e miratuar nga Komisioni i Ligjeve.

Ju lutem lexoni bazën ligjore te cituar në vendim. Ju faleminderit!”shkruan Hysi.